12 dicembre 2004

 ("Memorial don Giovanni Tondo")

...Un giorno memorabile, un giorno da ricordare!...
 

... E tocca propria cu nno nni scirramu ti Ton Giovanni,
ca ne statu parroco pi tanti anni.
Caro Ton Giovanni, signuria nna crisciuti,
ma a frenu nna tinuti;
ta fattu timìre, e quannu nno ti facìvi capìre cu lli parole,
na botta ti chiai a frunte ti rriava cu tuttu lu core.

Cu lu passare ti l'anni, stu viziu la tinutu ancora,
e ti quannu ti nni lliàra lu monopoliu ti li chiai,
no ti la facìvi a fare mai;
e nonostante l'artrosi, l'affanni e lli vuai,
ci na manu ti ccappava nni facìvi tire: AHI, AHI!

Ti li carusi ta fattu sempre rispettare,
e ancora moi no nni putimu scirrare...
...quannu alla issuta ti la scola...
...inthru allu pulminu biancu nni chiantavi,
e a casa nni cumpagnavi.

Ti sempre devotu alla Matonna,
nna Scola Materna nni dedicasti,
e tante mamme ccuntintasti.
Cu picca sordi, lu piccinnu tinìa rritiratu,
e Ton Giovanni cussì si idde elogiatu.

Ma... nel MEZZO DEL CAMMIN DELLA SUA VITA...
... sé distrattu... e ti EIE ne fattu lu RITRATTU!
Cussì stasìra amu pinsatu cu ti ricurdamu,
e lu compleannu cu ti festeggiamu!

Iddhru vivìa alla giornata,
tra nna preghiera e nna cantata.
E nonostante la cagionevole salute thruava sempre li battute...
... e ddhra freddura... la mminisciàva a qualsiasi ura!

Ogni annu poi, quannu la Matonna ti la Cuneddhra rriava,
la CACCIA AL TESORO nni preparava;

era cussì divertente pi nui...
ca fucìame ti cquai... fucìame ti ddhrai...
...ma lu TESORU NO LLU THRUAVAME MAI!

Puru quannu stìa in "oziu" lo stessu si divertìa,

e nna fiata sapiti cce figge lu beddhru mia?
Finse ca era catutu ti li scale,
e s'era fattu mutu male,
ma auru ccè bbera: nnu scherzu ti Carnevale!

S'era fasciata la capu e tuttu 'ncerottatu,
sembrava propriu struncunisciatu.
"Ton Giovanni, cce bbè successu?"
Pi li risi iddhru chiangìa...
...e cinca lu tinìa a nnanti rispundìa:
"poru cristianu, ti manu m'è scappatu,
tutte li scale è currulisciatu;
trenta punti a 'ncapu n'ane misi,
pircè li pieti a 'nterra bueni no bbè stisi..."

...tuttu pircene? ...cu si la scunta ulìa,
pi nna fiata ti quannu a Noule stìa.
Lu ccumpagnamme cu la bianchina,
cu dice missa alla Matonnina,
quannu rriamme, tuttu sutatu, lu spujiamme alli quattru ienti,
e dopu pi la paura... sempre nni ticìame: "comu ti sta sienti?"

Iddhru buenu si sintìa,

pircè cu nnui nni passava la pocondrìa,
allu istìre però fìggime la fessarìa,
ca ti coste all'auri papi si distinguìa:
invece ti verde, a biancu lu istemme,
nui iddime cussine... lu lassamme e nni li scemme!

Mantienite forte Ton Giovanni, ti ticìame sempre...
...e puru ca eri persa la panza,
no te mancata mai la crianza!

Caro Don Giovanni, cosa dirti altro in questo giorno per te così tanto importante?

Ci siamo ritrovati insieme ancora una volta, come ai vecchi tempi, quando l'appuntamento annuale era nel giardino della tua parrocchia, a festeggiare il giorno del tuo onomastico con canti, poesie, parodìe e tutto quanto era frutto della fantasia, dell'entusiasmo, della gioia, della preghiera, della solidarietà e della vera amicizia che ognuno di noi ha perseguito e che ci è stato da te!

Qui...,  vivo in mezzo a noi...,  sei e rimarrai sempre il nostro caro prete; il prete dal lancio delle chiavi; il prete dalle "fredde freddure"; il prete dal pulmino carico di ragazzi al ritorno dalla Scuola Media; il prete dalla tunica nera; il prete in bicicletta; il prete più... PRETE!

Sei stato tu il primo ad insegnarci che: "ANCHE SCHERZANDO LA
VIRTÙ S'IMPARA!"

Grazie Don Giovanni per i tuoi insegnamenti a nome di tutti coloro che ti hanno conosciuto e ti ricordano così come eri... pieno di vita!

La tua presenza è stata davvero salutare!